“ОСОР УЛ-БОҚИЯ”- БЕРУНИЙДАН ҚОЛГАН ЁДГОРЛИК
Буюк қомусий олим Абу Райҳон Беруний (973-1047) қаламига мансуб бўлган бу асарда қадимги хоразмий, форс, араб, турк, яҳудий, ҳинд, сурёний ва бошқа халқларнинг тарихи, тили, маданияти, тақвимлари ҳақида ҳикоя қилинади. Шунингдек, бу асар қадимги динлар, турли даврларда яшаган сулолалар, подшоҳлар ҳақида ҳам қимматли маълумот берилади. Асар милодий 1000 йилда яратилган бўлиб, унинг бир қанча нусхалари бизгача етиб келган. Шулардан энг қадимги 1220 йилда Хоразмшоҳлар даврида кўчирилган.
