Нафақат эркаклар, балки аёллар ҳам тариқат пешволари бўлганини биласизми?
Ўзбек мумтоз адабиётини варақласак, кўпроқ эркак суфий шоирларнинг номлари тилга олинади. Тариқат пешволари ва орифлар ижоди кўп йиллардан бери тадқиқ этилиб, китоб ва мақолалар билан бойитилган. Аммо бу жараёнда аёл сўфий шоирлар, уларнинг маънавий изланишлари ва шеърий мероси кўпинча четда қолиб кетди. Девонлари йўқолиб кетган, қўлёзмалари тарқалиб, баъзилари умуман сақланмаган.
