Ҳадис илми мактабида мустақиллик дарси ўтказилди


Ҳадис илми мактабида Давлатимиз мустақиллигининг 28 йиллиги муносабати билан ташкил этилган «Жонажон Ўзбекистоним, мангу бўл обод!» шиори остида ўтказилган Мустақиллик дарси

Бугунги кун давр талаби барча соҳалар каби диний соҳа вакиллари олдига ҳам бир қатор муҳим вазифа ва талабларни қўймоқда. Ислом дини равнақи йўлида улкан ишларни амалга оширди. Мустақилликнинг дастлабки йиллариданоқ муборак Рамазон ва Қурбон ҳайитлари умумхалқ байрами ва дам олиш куни деб эълон қилинди. Мусулмонлар ибодатларини      эмин-эркин адо этишлари учун барча шароитлар муҳайё қилинди.

Истиқлол йилларида улуғ аждодларимизнинг хоки поклари мангу қўним топган қадамжолар обод этилиб, уларнинг маънавий мерослари халқимизга етказилди.

Ҳадис илми мактабида 2019 йил 5 сентябрь куни Давлатимиз мустақиллигининг 28 йиллиги муносабати билан ташкил этилган «Жонажон Ўзбекистоним, мангу бўл обод!» шиори остида  Мустақиллик дарси бўлиб ўтди. Мазкур ўқув машғулотини Ўзбекистондаги ислом цивилизацияси маркази директори Шоазим Миноваров ўтказди. Шунингдек, ушбу Мустақиллик дарсида Ўзбекистон Республикаси Президенти Администрацияси Ш.Жалилов, Тошкент давлат ўзбек тили ва адабиёти университети Илмий ишлар бўйича проректори З.Абдирашидов, Самарқанд вилояти ҳокими ўринбосари Д.Мамадқулов, Дин ишлари бўйича қўмита бўлим бошлиғи Б.Рустамов иштирок этди.

«Жонажон Ўзбекистоним, мангу бўл обод!» шиори остида ўтказилган Мустақиллик дарсида Шоазим Миноваров Ўзбекистонда сўнги йиллар давомида амалга оширилган кенг кўламли ижтимоий-сиёсий, диний-маърифий соҳада амалга оширилган ислоҳотлар, жумладан, Ўзбекистон Республикасини янада ривожлантириш бўйича Ҳаракатлар стратегиясидаги устувор вазифалар, Ўзбекистоннинг хорижий, айниқса, қўшни давлатлар билан ўрнатилган дўстона муносабатлари, 2018-2019 йиллардаги диний-маърифий соҳадаги энг муҳим ислоҳотлар, Ўзбекистон Республикаси Президентининг 2018 йил 16 апрелдаги “Диний-маърифий соҳа фаолиятини тубдан такомиллаштириш чора-тадбирлари тўғрисида” Фармонининг  мазмун-моҳияти тўғрисида маъруза қилди.