Dunyoning nufuzli galereyasidan noyob hadya
Oʻzbekistondagi Islom sivilizatsiyasi markazi ekspozitsiyasi yana bir qimmatbaho artefakt bilan boyidi. Buyuk Britaniyadagi dunyoda oʻz nufuziga ega DAVID AARON galereyasi markazga begʻaraz ravishda noyob taqinchoqlarni taqdim etdi. Ular qatorida miloddan avvalgi birinchi mingyillikka tegishli qimmatbaho toshlar bilan bezatilgan oltin marjon, ellinistik davrga oid turkuaz va qora hoshiyali aqiqdan yasalgan marjon hamda aqiq toshlari qoʻllanilgan oltin marjonlar mavjud.
