Beruniy va ustozining olamshumul kashfiyoti
Buyuk allomalar tarixini varaqlarkanmiz, ularning yuksalishi, shakllanishi va jahonga tanilishida ustoz-shogirdlik anʼanasi alohida oʻrin tutganiga guvoh boʻlamiz. Islom uygʻonish davrining eng yorqin siymolaridan biri — Abu Rayhon Muhammad ibn Ahmad al-Beruyniy koinot, geodeziya, matematik analiz, tarix va falsafa sohalarida oʻzining betakror asarlari bilan butun dunyo fanini boyitgan, oʻz davrining yagonaligicha qolgan buyuk dahodir. Biroq uning kamolotga erishishida muhim ilmiy va insoniy zamin yaratuvchi shaxs sifatida Abu Nasr Mansur ibn Ali ibn al-Iroq nomi alohida ehtiromga loyiqdir.
