Oʻzbekistonning mashhur bozorlari Euronews nigohida

    Dunyoga mashhur Euronews “Ipak yoʻli sarguzashtlari” turkum koʻrsatuvlarining navbatdagi sonini Oʻzbekiston bozorlariga bagʻishladi.

    Koʻrsatuvda Toshkentdagi feruza gumbazli Chorsu bozori, Oloy va Mirobod bozorlari, Samarqandning Siyob bozori hamda kashtachilik mahsulotlari bilan mashhur Urgut bozori keng yoritilgan. Shuningdek, Buxorodagi anʼanaviy bosh kiyimlar va zargarlik buyumlari savdosi bilan tanilgan Telpakfurushon bozoriga ham alohida eʼtibor qaratilgan.

    Ijodkorlar mazkur bozorlarni nafaqat savdo markazlari, balki mamlakatning boy madaniy hayoti, qadimiy hunarmandchilik anʼanalari va sivilizatsiyalar chorrahasi sifatidagi tarixiy timsoli sifatida taqdim etdilar.