Oʻzbekiston xalq yozuvchisi Oʻtkir Hoshimov merosi Islom sivilizatsiyasi markazi diqqat markazida

    Bugun — 5 avgust kuni oʻzbek adabiyotining teran qalam ustasi, dramaturg, publitsist va tarjimon, Oʻzbekiston xalq yozuvchisi Oʻtkir Hoshimov tavallud topgan kun.

    Islom sivilizatsiyasi markazi tomonidan amalga oshirilayotgan “XX asr oʻzbek adabiyoti dargʻalari” interaktiv loyihasi doirasida buyuk adibning hayoti va ijodiga alohida eʼtibor qaratilmoqda.  

    1941 yilda Toshkent shahrida tugʻilgan Oʻtkir Hoshimov oʻz asarlari orqali butun bir avlodning ruhiy dunyosi, qadriyatlari va qalb kechinmalarini qalamga oldi. Uning “Choʻl havosi”, “Qalbingga quloq sol”, “Bahor qaytmaydi”, “Nur borki, soya bor”, “Dunyoning ishlari” kabi asarlari zamona va inson taqdiri oʻrtasidagi muroqabani beqiyos mahorat bilan ifoda etgan.

    Ayniqsa, “Ikki eshik orasi” romani orqali adib millatning tarixiy xotirasi, shaxsiy dardlar va umuminsoniy qiymatlarni teran tahlil etdi. U nafaqat nasr, balki dramaturgiya, publitsistika va tarjima sohalarida ham yuksak mahsuliyat bilan ijod qildi. Asarlari bir necha tillarga tarjima qilingan, umumiy nashr tiraji ikki milliondan oshgan.

    U 1991 yili “Oʻzbekiston xalq yozuvchisi” unvoni, “Mehnat shuhrati” va “Buyuk xizmatlari uchun” ordenlari bilan taqdirlangan.

    Islom sivilizatsiyasi markazi yozuvchining maʼnaviy merosini oʻrganish va kelgusi avlodlarga yetkazish maqsadida videoxarita va maxsus videoloyihalar tayyorlashni rejalashtirgan.