Qoʻyqirilgan qalʼa maketi Islom sivilizatsiyasi markazi ekspozitsiyasidan joy oladi

    Oʻzbekistondagi Islom sivilizatsiyasi markazi ekspozitsiyasidan eramizdan avvalgi IV asrda qurilgan Qoʻyqirilgan qalʼa maketi oʻrin olishi rejalashtirilgan. 

     Qoraqalpogʻiston Respublikasidagi Ellikqalʼa tumanida joylashgan “Qoʻyqirilgan qalʼa” – Turon sahrosidagi eng sirli va qiziqarli qadimiy yodgorliklardan biri. Bu qalʼa Qoraqalpogʻistondagi mashhur “Qalʼalar vodiysi”  tarkibiga kiradi. Bugungi kunda u nafaqat arxeologlar, balki tarix va sayohat ixlosmandlarini ham oʻziga jalb etadi.

    Germaniyalik qadimshunos olim Nikolas Boroffkaning taʼkidlashicha, Qoʻyqirilgan qalʼaning aylanma, doira shaklida qurilishida bu yerda aholining quyoshga topinishi va quyoshning holatini zaminda ilohiylashtirish, uni ulugʻlashdan tashqari boshqa bir tarix haqiqati ham bor. 

    Arxeologik tadqiqotlarga koʻra, Qoʻyqirilgan qalʼa miloddan avvalgi III asr – milodiy IV asr orasida qurilgan. Qalʼa devorlari qalin, turgʻun va togʻli loydan qurilgan boʻlib, zamonasining mustahkam inshootlaridan biri boʻlgani maʼlum. Qalʼadan topilgan kulolchilik buyumlari, tangalar va boshqa hujjatlar u yerda faol hayot kechganidan dalolat beradi. Qalʼa faqat harbiy nuqta boʻlib qolmasdan, aholi yashagan markaz ham boʻlgan.