Қозондан Тошкентга: “Ислом халқлари санъати” тўпламидаги ўзбек мероси намойиш этилади
Ислом маданияти асрлар давомида турли халқларнинг бадиий диди, маънавий олами ва ҳаётий қарашларини уйғунлаштириб, инсоният тамаддунига беқиёс ҳисса қўшган. Бу жараёнда яратилган санъат асарлари — сўзана, тўқимачилик буюмлари, қўлёзма китоблар, ҳунармандчилик ва уй-рўзғор ашёлари нафақат безак сифатида, балки инсоннинг олам тузилиши, фаровонлик ва ҳимоя ҳақидаги тасаввурларини ифода этган.
