Ҳеч ким кутмаган сенсацион экспозиция барчасини ошкор қилади!

🔴 Тарихий шажара сирлари Ўзбекистондаги Ислом цивилизацияси марказида жонланмоқда!

🔴 Орденлар, медаллар ва қўлёзмалар… миллий мероснинг ҳайратланарли саҳифаси

    Ўзбекистондаги Ислом цивилизацияси маркази миллий маънавий меросни тарғиб этиш ва кенг жамоатчиликка етказиш йўлида сенсацион экспозициялар тайёрламоқда. 

    Ўзбекистондаги Ислом цивилизацияси марказида миллий маънавий меросни тарғиб қилиш ва кенг жамоатчиликка етказиш мақсадида амалга оширилаётган ишлар доирасида шўро даврининг оғир таъқиблари остида ҳам ўзбек халқининг диний қадриятларини асраб қолган муфтий Бобохоновлар сулоласи фаолиятига оид экспозицияни шакллантириш масалалари муҳокама қилинди. Йиғилишда Марказ ходимлари ҳамда Муфтий Бобохоновлар жамғармаси вакиллари иштирок этди.

    Учрашувда экспозициянинг асосий йўналишлари бўйича келишувга эришилди. Жумладан, марказда Бобохоновлар сулоласига тегишли қуйидаги экспонатлар ўрин олиши белгилаб қўйилди:

▪️ миллий нақшлар ва тарихий маълумотлар билан безатилган махсус тач-панел;

▪️ сулолага тегишли қўлёзмалар ва тарихий ҳужжатлар;

▪️ Муфтий Зиёвуддинхон Бобохон ва сулола вакилларига берилган орден ва медаллар, жумладан, Имом ал-Бухорий ордени, халқаро даражадаги мукофотлар ва совринлар;

▪️Бобохоновлар сулоласининг мукаммал шажараси.

    Муфтий Бобохоновлар жамғармаси директори Жамолиддин Бобохоновнинг сўзларига кўра, мазкур экспозиция нафақат сулола фаолиятини ёритиш, балки Ўзбекистон тарихидаги муҳим диний-маънавий жараёнларни намоён қилишга қаратилган. Унинг таъкидлашича, кўргазмада диний идоранинг ташкил топиш тарихи, “Мир Араб” мадрасаси ва Ислом институтининг очилиши, шунингдек, Бобохоновлар сулоласининг турли мамлакатлар билан йўлга қўйган халқаро алоқаларига оид маълумотлар акс эттирилади.

    “Марказда тайёрланаётган ушбу экспозиция халқимизга, юртимизга келадиган меҳмонларга бой маълумот манбаи бўлади. Шу билан бирга, бу жараёнда биз ҳам ўз таклифларимизни бердик ва кўплаб тарихий ҳужжатлар, медаллар ҳамда шажарани тақдим этишга тайёрмиз. Буларнинг ҳар бири ўзининг муносиб ўрнини эгаллайди”, — деди у.

    Таъкидлаш жоизки, марҳум Муфтий Зиёвуддинхон Бобохон фаолиятида атеистик мафкура ҳукмрон даврда ҳам диний-маънавий ҳаётни ривожлантириш йўлида катта хизмат қилган. Муҳтарам Президентимиз унинг хизматларини юксак баҳолаб, бир неча маротаба нутқларида эътироф этган ҳамда уни Имом ал-Бухорий ордени билан тақдирлаган. Шунингдек, сулола вакиллари Ливан, Иордания, Марокаш каби мамлакатларнинг олий даражали мукофотларига, шунингдек, “Ибн Сино” медали ва “Халқлар дўстлиги” орденига сазовор бўлган.

    Йиғилишда экспозициянинг умумий дизайни, ахборот материаллари ва техник ечимлари ҳам муҳокама қилинди. Тайёрланган макетлар Ислом цивилизацияси маркази масъуллари томонидан тасдиқланди. Лойиҳа яқин кунларда амалга оширилиши ва жамоатчиликка тақдим этилиши кутилмоқда. Яъни тарихий шажара сирлари Ўзбекистондаги Ислом цивилизацияси марказида жонланмоқда!

    Қисқаси, ҳеч ким кутмаган сенсацион экспозиция барчасини ошкор қилади!