Марказда ишлар жадал тус олган

   


    Давлатимиз раҳбари ташаббуси асосида барпо этилаётган Ўзбекистондаги Ислом цивилизацияси марказида навбатдаги ишчи гуруҳ йиғилиши бўлиб ўтди. Ушбу муҳим йиғилишда марказнинг турли бўлимлари учун масъул координаторлар, йирик илмий-ижодий лойиҳалар раҳбарлари ҳамда соҳа мутахассислари иштирок этди.

    Йиғилишда Ислом цивилизацияси марказининг асосий йўналишларидан бири бўлган экспозицияни ташкил этиш масалалари муҳокама марказида бўлди. Жумладан, экспозицияга киритилиши режалаштирилган нодир асарлар, тарихий манбалар ва илмий бойликларни танлаш, уларни жойлаштириш тартиби, уларнинг мазмунан уйғунлиги ва тематик тўлиқлиги юзасидан фикр алмашилди. Экспозицияни замонавий технологиялар асосида жаҳон тажрибасига мос ҳолда ташкил этиш юзасидан ҳам аниқ таклифлар илгари сурилди.

    Шунингдек, лойиҳа доирасида тузилган шартномалар, ҳамкорлик меморандумлари ва бошқа ҳуқуқий ҳужжатлар юзасидан муҳокамалар бўлиб ўтди. Хусусан, ҳар бир шартноманинг ижроси, тайёрланаётган материалларнинг сифат кўрсаткичлари, ҳуқуқий ва техник жиҳатлари бўйича таҳлилий ёндашувлар билдирилди.

    Йиғилиш давомида экспозициядаги асарларни сақлаш, таъмирлаш ва реставрация қилиш билан боғлиқ масалалар ҳам кўриб чиқилди. Мутахассисларга аниқ вазифалар юклатилиб, бажарилиши зарур бўлган ишларнинг муддатлари белгиланди.

    Марказ директорининг илмий ишлар бўйича ўринбосари Гулнора Ғаниева йиғилишда қуйидагиларни таъкидлади:
 

    Ислом цивилизацияси маркази — нафақат юртимиз, балки бутун мусулмон олами учун муҳим илмий-маънавий мажмуа сифатида шаклланаётган бир пайтда, ушбу йиғилиш доирасида қабул қилинган қарорлар ва белгиланган устувор йўналишлар лойиҳанинг сифатли ва мазмунли амалга оширилишига хизмат қилади.

Ислом цивилизацияси маркази Ахборот хизмати