Султон Саодат мажмуаси: Термиз саййидлари дафн этилган муқаддас маскан

Султон Саодат — Термиз шаҳрининг шимоли-шарқий қисмида жойлашган, XI-XVII асрларда қурилган ва Термиз саййидлари хонадонининг оилавий дафн маскани бўлган меъморий ансамблдир. Бу ном араб тилидан таржима қилинганда «бахтлилар султони» деб маъно бериб, саййидлар сулоласининг муқаддас жойи сифатида танилган.

Мажмуа шаклланишининг бошланиши IX асрга бориб тақалади. Тадқиқотчиларнинг фикрича, Ҳасан ал-Амир 850 йилда Самарқандга келиб, 11 йил яшаган ва 865 йилларда Термизга кўчган. Ушбу шахс пайғамбаримиз Муҳаммад алайҳиссаломнинг авлоди бўлиб, Термизда саййидлар хонадонининг асосчиси ҳисобланади.

Мажмуа 20 га яқин мақбарадан иборат бўлиб, уларнинг энг қадимийлари XI асрга мансубдир. Мақбаралар айвонлар билан бирлаштирилган, гумбазлар билан ёпилган ва пишган ғиштлардан қурилган сағоналарга эга. Декоратив нақшлар ва турли услублар билан безатилган бинолар ансамблнинг меъморий қадриятини оширади.

Султон Саодат мажмуаси мусулмонлар учун муқаддас зиёратгоҳ ҳисобланади. Бу ерда пайғамбаримиз Муҳаммад алайҳиссаломнинг қизлари Фотима онамиз ва Ҳазрат Алининг бешинчи авлоди бўлган Саййид Ҳасан ал-Амир дафн этилган. Шу боис у аслида Султон Саодот, яъни «Саййидлар султони» деб аталган. Кейинчалик мақбара атрофига унинг авлодлари ва бошқа саййидлар дафн этилган.

Ўзбекистон Республикаси Президенти Шавкат Мирзиёев ташаббуси билан бунёд этилаётган Ўзбекистондаги Ислом цивилизацияси маркази экспозицияси учун мажмуа макети тайёрланмоқда.