Расадхона қайта жонланмоқда: Мирзо Улуғбек билан юлдузларнинг сирли оламига саёҳат

    Улуғбек расадхонасидаги иш жараёни, Улуғбек мероси ва Темурийлар Ренессансига бағишланган экспозиция Ўзбекистондаги Ислом цивилизацияси марказидан ўрин олади.  
 

    Бугун расадхона фаолияти, Улуғбек меросининг тарғиб қилиниши ҳамда Темурийлар давридаги илм-фан ютуқларини замонавий технологиялар орқали намойиш этиш бўйича махсус йиғилиш бўлиб ўтди.

    Йиғилишда расадхонадаги илмий ишлар, олимлар фаолияти ва астрономик асбоблардан фойдаланиш жараёнини анимацион шаклда намойиш этиш масалалари муҳокама қилинди. Шунингдек, Улуғбекнинг наинки буюк астроном, балки етук мураббий сифатидаги фаолиятини интерактив воситалар ёрдамида ёритиш бўйича таклифлар илгари сурилди. Талабаларга дарс берувчи Улуғбек тимсоли, ўша даврдаги таълим муҳитини қайта яратиш режаси катта қизиқиш уйғотиши кутилмоқда.

    Ҳар бир секторда Темурийлар даври кашфиётлари ва илм-фан ютуқларини замонавий технологиялар асосида намойиш этиш, илмий-таълимий экспозициялар орқали кенг жамоатчиликка етказиш масалаларига эътибор қаратилди. 
 

    Шунингдек, Темурийлар Ренессанси ва Ўзбек хонликлари тарихига бағишланган махсус экспозициялар концепцияси кўриб чиқилди. Ушбу экспозициялар орқали миллий илм-фан ва маданият тарихининг бой мероси халқимиз ва ёш авлодга яқиндан таништирилиши мақсад қилинган.

    Йиғилиш якунида ҳар бир йўналиш бўйича амалий режалар белгилаб олинди ва масъулларга тегишли вазифалар юклатилди.