"Тамаддун, маданият, маърифат" мавзусида ташкил этилган "Маърифат Карвони" тарғибот гуруҳининг Сурхондарё вилоятидаги илмий-маърифий тадбирлари давом этмоқда

    "Тамаддун, маданият, маърифат" мавзусида ташкил этилган "Маърифат Карвони" тарғибот гуруҳининг Сурхондарё вилоятидаги илмий-маърифий тадбирлари давом этмоқда. 

    Термиз давлат университетида ўтказилган "Янги Ўзбекистон – янги Ренессанс пойдевори" мавзусидаги илмий-маърифий форум ушбу тарғиботнинг яна бир муҳим босқичи бўлди.

    Термиз давлат университетида Ўзбекистон Республикаси Президенти ташаббуси билан бунёд этилаётган Ислом цивилизацияси маркази экспозициясининг асосий бўлимларидан бири бўлган "Янги Ўзбекистон – янги Ренессанс пойдевори" мавзусида ўтказилган  илмий-маърифий форум ушбу тарғиботнинг яна бир муҳим босқичи бўлди.

   Унда Ўзбекистоннинг бой тарихий мероси, буюк мутафаккирларимиз қолдирган илмий ва маънавий хазинаси, шунингдек, бугунги кунда мамлакатда амалга оширилаётган ислоҳотлар ва янги уйғониш даврининг асосий йўналишлари ҳақида атрофлича фикр ва мулоҳазалар билдирилди.

    Форум доирасида маърифий, илмий-амалий тадбирлар, маърузалар, давра суҳбатлари ташкил этилиб, иштирокчиларга Ислом тамаддунининг инсонпарварлик, илм ва маданиятга бўлган ҳиссаси тўғрисида батафсил маълумотлар тақдим этилади. Шу орқали ёш авлодни маънавий қадриятларга ҳурмат руҳида тарбиялаш, миллий ўзликни англаш ва глобал таҳдидлар шароитида мафкуравий барқарорликни мустаҳкамлаш мақсад қилиб олинган.

    Форум – Янги Ўзбекистондаги маънавий уйғониш, илм-фанга бўлган муносабатнинг янги босқичга кўтарилаётганини англатади. Унинг ҳар бир тадбири “Янги Ренессанс” ғоясини амалда тарғиб қилишга хизмат қилади.

Форум давомида илмий ва маданий янгиликлар, шунингдек, мамлакатимизнинг Ислом цивилизациясига оид тарихий ютуқлари ҳақида кенгроқ маълумотлар тақдим этилди. Тадбирнинг мақсади - Ўзбекистоннинг бугунги ўрни, илм-фан, маданият ва тамаддун соҳаларидаги ютуқларини кенг оммага етказиш, шунингдек, янги Ренессанснинг пойдеворини шакллантиришда юртимизнинг ўзига хос ўрнини тарғиб қилишдир.
 

Эслатиб ўтамиз "Маърифат Карвони" жорий йилнинг   май - июнь ойларида Ўзбекистондаги Ислом цивилизацияси маркази, Ўзбекистон Республикаси фанлар академияси, Олий таълим, фан ва инновациялар вазирлиги, Республика Маънавият ва маърифат маркази ва “Маърифат” тарғиботчилар жамияти ҳамда қатор ташкилотлар билан ҳамкорликда Қорақалпоғистон Республикаси, вилоятлар ва Тошкент шаҳрида “Тамаддун, маданият ва маърифат” мавзусида “Маърифат карвони” илмий-маърифий ва маданий тарғибот тадбирлари ўтказилиши режалаштирилган.